Zelenskyi: Kjo natë do të jetë e vështirë për Kievin

Presidenti ukrainas, Volodymyr Zelenskyi tha se trupat ruse do ta sulmojnë Kievin në orët e ardhshme të kësaj nate.

“Kjo natë do të jetë shumë, shumë e vështirë, por mëngjesi po vjen”, tha ai.

“Sonte, armiku do të përdorë të gjitha mjetet në dispozicion për ta thyer rezistencën tonë. Sonte ata do të nisin një sulm”, tha ai.

Sipas presidentit Zelenskyi, “fati i Ukrainës po vendoset tani”.

“Kjo ishte një ditë e vështirë, por e guximshme. Ne po luftojmë për vendin tonë në të gjitha vijat e frontit: në jug, në lindje, në veri, në shumë qytete të vendit tonë të bukur”.

Në Kiev, më herët gjatë ditës së premte janë raportuar shpërthime, teksa forcat ruse po avancojnë drejt kryeqytetit ukrainas.