“Zgjedhje të lira, rruga drejt BE-së”, Berisha takon eurodeputetin Rihards Kols

Një delegacion i Partisë Demokratike të Shqipërisë,i kryesuar nga Sali Berisha, zhvilloi një takim me eurodeputetin Rihards Kols, anëtar i Parlamentit Europian dhe Komisionit të Punëve të Jashtme (AFET).

Gjatë takimit, Berisha denoncoi përqendrimin ekstrem të pushtetit në duar të Kryeministrit Edi Rama dhe ngriti shqetësime për zhvillimet e zgjedhjeve të 11 majit 2025, të cilat i cilësoi si një shkelje të thellë të parimeve demokratike. Ai theksoi përdorimin e fondeve publike, blerjen masive të votave dhe ndikimin e grupeve të krimit të organizuar gjatë zgjedhjeve.

Nga ana tjetër, eurodeputeti Rihards Kols, shfaqi interes për situatën në Shqipëri dhe diskutoi mundësinë e ngritjes së një misioni faktmbledhës për të vlerësuar drejtpërdrejt situatën.

Në takim, u theksua se Shqipëria nuk mund të avancojë në procesin e integrimit në BE pa rikthimin e standardeve demokratike dhe garantimin e zgjedhjeve të lira e të ndershme.

LEXONI GJITHASHTU:

• Berisha në Bruksel: Raporti i Komisionit të Jashtëm të PE denoncoi farsën elektorale
• U përvetësua në mënyrë të paligjshme, Prokuroria Tiranë sekuestron 9000m2 tokë