Zgjedhjet e 25 prillit, Paloka: Brenda pak ditësh do caktojmë drejtuesit në qarqe

Nënkryetari i Partisë Demokratike, zoti Edi Paloka deklaroi në Euronews Albania se brenda pak ditësh do të cakohen edhe drejtuesit e PD-së në qarqe për zgjedhjet e 25 prillit.

Ai theksoi se edhe gjatë kësaj periudhe nuk ka munguar komunikimi me qytetarët. 

“Ne kemi aktualisht grupe për çdo qark dhe degë partie, që funksionojnë.

Nuk janë përcaktuar ende drejtuesit e qarqeve për zgjedhjet e 25 prillit, por kjo nuk e pengon punën aktuale që vazhdon çdo ditë në ritmet e veta brenda partisë demokratike.  

Nuk kemi afat lidhur me këtë punë, unë mendoj që shumë shpejt brenda kësaj jave ose brenda pak ditësh do të kemi drejtuesit e qarqeve.

E rëndësishme nuk është, kush do të jetë drejtuesi i njërit apo tjetrit qark. Ne jemi në kontakt me qytetarët, kryetari i PD-së është në kontakt me qytetarët dhe iu ofron dhe zgjidhjet. Nuk kanë munguar edhe komunikimet me qytetarët”, u shpreh zoti Paloka.

Ky i fundit foli më tej edhe për listat e kandidatëve për zgjedhjet e 25 prillit. 

“Ne do të dalim si një front i vetëm, opozita do të dalë si një front i vetëm. Formula sesi me një listë apo dy lista do të merret në kohën e duhur. Ne po bëjnë një studim që të dalim me formulën optimale në rang vendi ose në rang qarku”, përfundoi zoti Paloka.

Lexoni gjithashtu:

Paloka: Ramës s’i intereson krijimi i Gjykatës Kushtetuese para zgjedhjeve