Zgjedhjet e vitit 1876 në SHBA, shpallin presidentin dy ditë para betimit

Për të gjithë ata njerëz që janë shqetësuar për kohën që po merr shpallja e fituesit të zgjedhjeve presidenciale këtë vit në SHBA redaksia digjitale e Euronews Albania “KUBI”, ka bërë një kërkim.

Në vitin 1876, zgjedhjet presidenciale në Amerikë përballën demokratin, Samuel Tilden dhe republikanin, Rutherford Hayes.

Tilden ishte një votë larg fitores në kolegjin zgjedhor por katër shtete kishin mosmarrëveshje elektorale dhe nëse Hayes i fitonte ato, ai do t’i fitonte të gjitha.

Në ditën e zgjedhjeve u bë një fushatë që frikësoi qytetarët me ngjyrë në gjithë Jugun që mbështesnin republikanët.

Tre shtete të jugut: Florida, Luiziana dhe Karolina e Jugut kishin borde zgjedhore të dominuara nga republikanët.

Në të tre këto shtete dukej se rezultatet fillestare i jepnin fitoren Tilden por pas akuzave për mashtrime bordet shpallën të pavlefshme shumë vota që kishin shkuar për Hayes.

Kjo situatë u komplikua dhe për këtë arsye u vendos një kompromis i cili u mor mes dy kandidatëve.

Hayes fitoi me një diferencë prej një vote elektorale pasi negocioi me demokratët e jugut. Ai premtoi të kishte një demokrat në kabinetin e tij dhe të mos ndërhynte në Jug. Ndër të tjera ai premtoi se do i jepte të drejtat civile të gjithë qytetarëve me ngjyrë që jetonin atje por kjo gjë nuk u arrit.

Sidoqoftë marrëveshja rezultoi në një kompromis i cili shpalli presidentin e Shteteve të Bashkuara të Amerikës, Rutherford Hayes, dy ditë para betimit në Shtëpinë e Bardhë.