Zgjedhjet lokale në RMV, rezultatet preliminare publikohen pas mesnatës

Komisioni Shtetëror i Maqedonisë së Veriut ka dalë me të dhënat më të fundit për procesin e votimit në nivelin lokal lidhur me zgjedhjet e mbajtura në 80 komuna këtë të dielë.

Në një konferencë për media në Shkup, drejtues të KSHZ-së thanë se në orën 19:00 janë mbyllur të gjitha qendrat e votimit. Kryetari i Komisionit Shtetëror Zgjedhor, Boris Kondarko theksoi se në votim kanë ushtruar të drejtën e tyre 803 mijë e 91 qytetarë, 46.65%.

“Mbi 803 mijë e 91 qytetarë shfrytëzuan të drejtën e votës ose 46.65 për qind sipas të dhënave deri në orën 18:30”, tha Kondarko.

Dalja përfundimtare e qytetarëve në zgjedhje dhe rezultatet preliminare pritet të bëhet e ditur në konferencën e radhës sonte pas mesnatës.

LEXONI GJITHASHTU:

• Zgjedhjet lokale në Maqedoninë e Veriut, Bilal Kasami: Votoni me përgjegjësi
• Zgjedhjet lokale në RMV, Ali Ahmeti: Kjo ditë ka rëndësi kombëtare