Zgjedhjet në 5 bashki, Celibashi: Procesi ka filluar normalisht, 2.42 % pjesëmarrja

Kreu i KQZ, Ilirjan Celibashi në një deklaratë për mediat ka folur lidhur me procesin e votimit në 5 bashki. Celibashi theksoi se nuk raportohen për problematika. Ai theksoi se procesi ka nisur normalisht dhe 81% e qendrave janë hapur në orën 07:00.

“Në masën 81% janë hapur në orën 07:00, vetëm 19% e qendrave janë hapur rreth orës 07:00 dhe 08:00 të mëngjesit. 34% e komisioneve janë të përbërë me 7 anëtare, 18% me 6 anëtarë, 29% me 5 anëtarë. Vetëm në 3 QV në hapje të procesit të votimit, kishte mungesë të kuorumit, por u mundësua pasja e koriumit dhe ka nisur procesi i votimit.

Deri në momentin që po flasim s’janë raportuar problematika në lidhje me procesin e votimit, nuk kemi asnjë problem të raportuar në lidhje me përdorimin e pajisjeve të identifikimit elektronik, 100% e QV janë me operator.

Nuk kemi transmetim në kohë reale nga 18 QV, por ndërkohë jemi duke marrë informacionin në mënyrë alternative. Sa i përket pjesëmarrjes është 2.42%”, tha Celibashi.

LEXONI GJITHASHTU:

• Voton kandidati i mbështetur nga PD për Vlorën, Sota: Mos e lini votën të flejë
• Voton kandidati i Shqipëria Bëhet për Cërrikun: Qytetarët të marrin pjesë masivisht