Voton kandidati i mbështetur nga PD për Vlorën, Sota: Mos e lini votën të flejë

Në 5 bashki të vendit, Vlorë, Tepelenë, Berat, Mat dhe Cërrik po mbahen të dielën zgjedhjet e pjesshme vendore për të zgjedhur të parin e qytetit.

Dionis Sota, kandidati i mbështetur nga Partia Demokratike për bashkinë Vlorë hodhi votën e tij rreth orë 10:00 ndërsa në një prononcim të shkurtër për mediat inkurajoi qytetarët të shfrytëzojnë kërë ditë për të zgjedhur përfaqësuesin më të denjë.

“Sot është një ditë feste për qytetarët e Vlorës. I ftoj që të gjithë të vijnë të votojnë dhe të zgjedhin djalin e tyre më të mirë për qytetin e Vlorës, sot është detyrim i të gjithëve që të mos e lënë votën të flejë në sirtarin e shtëpisë apo të kafenesë së lagjes. I ftoj të gjithë të votojnë se është shumë e rëndësishme për qytetin e tyre”, tha Sota.