Voton kandidati i Shqipëria Bëhet për Cërrikun: Qytetarët të marrin pjesë masivisht

Në 5 bashki të vendit, Vlorë, Tepelenë, Berat, Mat dhe Cërrik po mbahen të dielën zgjedhjet e pjesshme vendore për të zgjedhur të parin e qytetit.

Kandidati i Shqipëria Bëhet për Bashkinë e Cërrikut, Eligert Hima ka votuar në qendrën e tij rreth orës 09:30.

Në fjalën e tij për mediat ai i bëri thirrje qytetarëve të Cërrikut për pjesëmarrje masive në votime, duke theksua se vota është i vetmi mjet që mund të vërë në punë këtë bashki.

“Ftoj banorët e Cërrikut të marrin pjesë masivisht sot në kutitë e votimit si e vetmja mënyrë e mjet që kemi për të vënë në punë bashkinë e Cërrikut është vota. I ftoj qytetarët të votojnë masivisht”, tha shkurtimisht ai.