Zgjedhjet në Kosovë, gazetari jep detajet pas rezultatit përfundimtar

Në lidhje live nga Kosova, gazetari Kosov Gjoci për Euronews Albania komentoi situatën e zgjedhjeve lokale të raundit të dytë në Kosovë ditën e dielë, të cilat rezultuan me LDK dhe LVV fituese.

Sipas tij, Vitia do ta ketë shumë të vështirë për të bërë një përmbysje, duke pasur parasysh votat me kusht dhe votat e diasporës.

“E vetmja komunë që mund të rrezikohet është Vitia, ndërsa LDK-ja ka fituar me 100 vota më shumë. Kemi parasysh votat me kusht, votat e personave me aftësi të veçanta dhe votat e diasporës. Vitia është një komunë e vogël dhe gjasat për të pasur një numër të madh të votave nuk janë aq të mëdha. Si komunë ka një diasporë të madhe, por kur e di që numri i diasporës s’ka qenë i madh dhe nëse shpërndahet në 7-18 komuna, zvogëlohen gjasat për të pasur ndryshim, por nuk përjashtohet. Pjesa tjetër nuk besoj se do të ketë ndryshim. Nëse e shohim lëvizjen e komunave, Lëvizja Vetëvendosja është fituesja në këto zgjedhje. Nga katër komuna që ka marrë në 2021, sot ka shtatë komuna, por nëse e shohim nga ana tjetër, në disa komuna nuk ka performuar siç është pritur, duke pasur parasysh rezultatin e zgjedhjeve nacionale. Përtej idesë, Vetëvendosja është fituese, por nga ana tjetër nuk mund të konsiderohet ndonjë fitore e madhe,” është shprehur gazetari.

LEXONI GJITHASHTU:

• Vijojnë replikat, LVV i reagon LDK: Aktivisti mbante logon brenda qendrës së votimit
• Konjufca: Një qeveri pa Kurtin kompromisi më i madh që mund të bëjë LVV