Zgjedhjet në Primare, Berisha: 4 dhjetori, ditë historike për PD dhe Shqipërinë

Kryetari i Partisë Demokratike, Sali Berisha e konsideron një ditë historike për këtë forcë politike dhe vendin, 4 dhjetorin, ditën kur do të zhvillohet votimi për primaret.

Berisha i është drejtuar me një mesazh demokratëve dhe simptatizantëve të Partisë Demokratike, duke u thënë që më 4 dhjetor të kryejnë një proces dijnitoz.

“Dy ditë na ndajnë nga evenimenti më i madh pas themelimit të partisë Demokratike deri sot, votimi për kandidatët, për qytetarët e parë të bashkive të vendit të cilët garuan gjatë kësaj periudhe dhe presin me pa durim votën tuaj, besimin tuaj, pjesëmarrjen tuaj, në procesin zgjedhor të datës 4 dhjetor dhe që zhvillohet në mbarë vendin.

Duke ju falënderuar me shum ë mirënjohje, anëtareve dhe anëtarëve, simpatizantëve dhe simpatizantëve, të gjithë kandidatëve që morën pjesë në garë, drejtuesve të partisdë, grupseksioneve dhe seksioneve, u bëj thirrjen më miqsore, të bëni gjithçka për një proces dinjitoz që ju jep ju, Partisë Demokratike dhe shoqërisë shqiptare shumë nder, që zgjeron dhe konsolidon liritë tuaja, për votimin në primare më datën 4 dhjetor. Pjesëmarrja juaj është një kontribut i veccantë. Unë e di që keni bërë shumë punë por tani jeni të ftuar të flisni, të firmosni me votën tuaj për kandidatin më të mirë që ju besoni, që ju mendoni. Kam besim të madh se do ta shndërrojmë këtë ditë të një rëndësie historike jo vetëm për PD por për Shqipërinë”, ishte mesazhi i kryedemokratit.

LEXONI GJITHASHTU

• ‘Belind Këlliçi, njeri i Sali Berishës’, Ilir Demaliaj godet Primaret në PD
• Emrat/ Sherr për kandidatin për Primaret në Kurbin, anëtari qëllon me pistoletë
• Berisha: Primaret kanë tronditur Ramën dhe grupin e tij mafioz