Zgjedhjet në SHBA, republikanët marrin Dhomën e Përfaqësuesve

Republikanët në Shtetet e Bashkuara të Amerikës kanë marrë kontrollin e Dhomës së Përfaqësuesve në zgjedhjet e mesit të mandatit, ndërsa demokratët do të kontrollojnë Senatin.

Ndërkohë që ende nuk dihet se çfarë do të ndodhë me të ardhmen e kryetares së Dhomës së Përfaqësuesve  Nancy Pelosi, një nga kundërshtaret më të forta të Trump.

Një ndër vendimet e para të Dhomës republikane të Përfaqësuesve pritet të jetë shpërndarja e komisionit hetimor për ngjarjet e 6 janarit të vitit 2021, kur u sulmua Kapitoli nga mbështetësit e ish-presidentit Trump.

Ndërkohë, që Kevin McCarthy i duhen votat e republikanëve skeptikë, janë pikërisht këta të fundit që i kërkojnë atij të deklarojë qartazi nëse do të nisë një hetim për djalin e presidentit, Hunter Biden, tërheqjen nga Afganistani dhe menaxhimin e pandemisë.

Pas këtyre zhvillimeve të fundit, presidenti Biden deklaroi se në këto zgjedhje, qytetarët dënuan dhunën politike, intimidimin. Sipas tij, qytetarët kërkojnë zgjidhjen e problemeve të tyre dhe ruajtjen e demokracisë.

LEXONI GJITHASHTU:

• SHBA-ja sanksionon 6 punonjës të medias në Iran
• Kremlini konfirmon: Zhvilluam bisedime me SHBA-të në Ankara