“Zgjedhjet në veri, kurth i parapërgatitur”, gazetari: Ja skenari i përgatitur

Gazetari Asllan Bajrami i ftuar në Euronews Albania tha se është skeptik për zgjedhjet e reja që mund të zhvillohen në veri të Kosovës. Ai tha se mendon se këto zgjedhje mund të zhvillohen sërish, por dyshon se serbët sërish nuk do të merrnin pjesë në zgjedhje.

Gjithashtu Bajrami shtoi se me këtë Kurti ka rënë në një kurth të parapërgatitur, sipas tij, nga qarqe anti-shqiptare.

“Zgjedhjet janë pranuar nga ndërkombëtarët në kuptimin ligjor të fjalës, por ato janë kritikuar për shkak të mungesës së legjitimitetit, pavarësisht se po ti referohemi ligjit ato do duhet të bëheshin.

Por po të bëhen zgjedhjet e reja, unë jam shumë skeptik se ato do bëhen, ose mund të bëhen pa pjesëmarrjen e serbëve dhe këtu shikohet se ka një skenar. Është një skenar që Kurti ka rënë në një kurth të parapërgatitur në mënyrë që situata në veri të Kosovës të jetë sa më e tensionuar. Ky është një skenar nga qarqet anti-shqiptare,”-tha Asllan Bajrami.

LEXONI GJITHASHTU:

• “Tahiri, person me rrezikshmëri të ulët”, avokati argumenton lirimin e ish-ministrit
• Kompanitë ajrore përgatiten për verën: Të gatshme për të shmangur kaosin