“Zgjedhjet në veri mund të shtyhen”, plagosja e qytetarit serb rrezikon përplasje

Zgjedhjet e jashtëzakonshme të 23 prillit në komunat veriore të Kosovës mund të shtyhen përsëri, nëse një gjë të tillë e thonë institucionet e sigurisë në vend.

Kështu ka lënë të nënkuptohet ministrja e Drejtesisë, Albulena Haxhiu, gjatë deklarimit për media pas mbledhjes se qeverisë.

Haxhiu foli edhe për rastin e plagosjes së një qytetari serb në veri, që dyshohet se u bë nga një pjesëtar i policisë së Kosovës.

Ky rast është dënuar edhe nga përfaqësuesit e vendeve të huaja në Kosovë.

Gjithashtu, numri një i drejtësisë në Kosovë foli edhe për mekanizmin mbikëqyrës të Gjykatës Speciale, pasi ka pasur ankesa edhe nga profesionistët se ky institucion nuk është duke vepruar sipas ligjeve të Kosovës, edhe pse është gjykatë e Kosovës.

Ajo theksoi se besojnë në pafajësinë e të akuzuarve dhe presin kthimin e shpejtë të tyre në atdhe.

Edhe Haxhiu në konferencë, por edhe vetë kryeministri Albin Kurti në fillim të mbledhjes kanë dënuar sulmin ndaj gazetarit dhe opinionistit Valon Syla, duke kërkuar që organet e rendit dhe drejtësisë ta trajtojnë me seriozitet këtë rast që cënon fjalën e lirë në vend.

LEXONI GJITHASHTU:

• KQZ dërgon në prokurori për verifikim 30 kandidatë në zgjedhjet e 14 majit (EMRAT)
• Të shkarkuarit që fituan në Strasburg, Balla: Qeveria të gjejë formën e rigjykimit