“Zgjedhjet në Veri, të domosdoshme”, Bajrami: Vonesat, taktikë e qeverisë Kurti

Asllan Bajrami, analist politik ka komentuar situatën politike në Kosovë .

Në  një intervistë për Euronews Albania, ai nënvizoi se është e domosdoshme që zgjedhjet në Veri të Kosovë të mbahen.

Më tej ai nënvizoi se ka pasur vonesa përsa i përket zbatimit të vendimeve nga ana e Kuvendit të Kosovë, gjë që sipas tij është taktikë e Kurtit.

“Është domosdoshmëri që zgjedhjet të mbahen  sa më parë, të bëhet ndryshimi në ligjin mbi pushtetin lokal në Kosovë. Kemi një vonesë përsa i përket përmbushjes së detyrimeve nga ana e Kuvendit të Kosovës.  Kjo vonesë është një lloj kalkulimi i klasës politike, përkatësisht e qeverisë aktuale në Kosovë që mesa duket do të përfitojë për të pasur një pozicion ndoshta më të favorshëm. Kjo është  një lloj taktike, por në kuptimin e kundërpërgjigjeve që ka marrë Prishtina, qoftë nga Uashingtoni, qoftë nga Brukseli nuk kanë ndonjë rezultat që do të mundet që këtë lloj vonese ta justifikojë Bashkësia Ndërkombëtare përsa i përket asaj që Prishtina ndoshta ka të drejtë dhe pretendon të përfitojë më shumë. Mesa duket ato tre kërkesat e Brukselit janë shumë të prera, të zhvillohen zgjedhjet, tërhiqet policia speciale nga objektet e komunave të Kosovës dhe qeveria e Kosovës të hartojë statutin për asociacionin”- tha ai

LEXONI GJITHASHTU: 

• Operacioni antikanabis në Lezhë, Balla: 2 oficerë policie në ortakëri me trafikantët
• Zgjedhjet për kreun e PD, Sefa: Deri në orën 14:00 kanë votuar 11602 anëtarë