Ishte me gjyshërit, zhduket fëmija 3-vjeçar në Durrës

Një fëmijë 3-vjeçar në qytetin e Durrësit raportohet të jetë zhdukur. Ka qenë e ëma e të miturit ajo e cila ka bërë denoncimin në polici, ku ka thënë se 3-vjeçari është marrë nga gjyshërit 4 ditë më parë dhe nuk është kthyer më.

1 vit më parë 3-vjeçari kishte humbur të atin në një aksident automobilistik dhe jetonte me të ëmën.

Gjyshi i tij, Rexhep Gjuni, 58 vjeç është arrestuar, ndërsa është shpallur në kërkim gjyshja.

Prindërit e bashkëshortit të ndjerë, ia kishin marrë fëmijën nënës dhe nuk ia kthyen më.

Fillimisht Rexhepi ka deklaruar se fëmija ndodhet në Kukës, tek disa të afërm, por policia e Kukësit nuk e ka gjetur pas kontrolleve të ushtruara në adresën e dhënë.

Më pas 58-vjeçari ka refuzuar të bashkëpunojë me policinë.

Dyshohet që fëmija të jetë larguar jashtë vendit.

LEXONI GJITHASHTU:

• Francë| Eshtrat e 2-vjeçarit të zhdukur gjenden 90 m larg shtëpisë së gjyshit të tij
• Disa nga gënjeshtrat më shkatërrimtare në historinë e njerëzimit