Zheni Gjergji: Shqiptarët kanë paguar 20% më shumë, shëndetësia falas s’ka funksionuar

Zheni Gjergji, deputete e Partisë Demokratike thotë se gjatë qeverisjes së majtë shëndetësia nuk është ofruar falas siç është premtuar. Përkundrazi tha se ka pasur rritje të kostos.

“Shëndetësia falas nuk është një arritje pasi gjatë këtyre viteve shqiptarët kanë paguar 20% më shumë për shëndetësinë. Duke menduar shumat që dalin nga xhepat e shqiptarëve për të marrë shërbim tregon se kjo skemë nuk ka funksionuar siç duhet”, deklaroi znj. Gjergji.

Deputetja e opozitës tha se për buxhetin e vitit 2022 qeveria ka caktuar një fond prej 91 miliardë lekë.

Znj. Gjergji pranoi se në këtë buxhet shikohet se ka një rritje krahasuar me vitet e tjera por nuk është e mjaftueshme për të përballuar këtë situatë të rëndë ku ndodhet sistemi shëndetësor.

PD tha ajo ngul këmbë që koncesionet në shëndetësi janë kosto shtesë dhe jo nuk duhet të rëndojë mbi xhepin e qytetarëve por të mbulohet nga buxheti i shtetit.

LEXONI GJITHASHTU:

• Deputetja Spahiu: Rimbursimi për pandeminë vijon, s’mund të jap shifra
• Paga 1200 euro për mjekët është e arritshme sipas deputetes së PD
• Nuk ka shëndetësi falas, por të përmirësuar, thotë deputetja e PS