Zhgënjyesit e Hungaroring 2024

Botërori i Formula 1 që transmetohet në Euronews Albania dhe IN radio është në prag të pushimeve verore. Gara e 13’të u zhvillua në Hungari dhe në vazhdim do t’ju njohim me pilotët dhe skuadrat që zhgënjyen në cirkuitin e Budapestit…

Max Verstappen – është në serinë më të dobët pas 3 garave të para në vitin 2021. Holandezi ka marrë disa vende të 5’ta dhe vetëm një vend të dytë në Silverstone. Kontakti me Lewis Hamilton në kthesën e 1’rë ishte i 2’ti në 3 evente pas përplasjes me Lando Norris në Austri që zgjati serinë pa fitore në 3 gara. Kryesimi në klasifikimin për pilotë u reduktua në 76 pikë duke treguar se nuk është në formën më të mirë në prag të garës së shtëpisë në Spa.

Red Bull – Spekullimet për të ardhmen e Sergio Perez lidhen me paraqitjen e dobët që po vë në dyshim titullin e konstruktorëve. Meksikani ja doli që eleminimin në sesionin e 1’rë kualifikues ta shndërronte në vendin e 7’të në garë por nga Perez pritej një rezultat më i mirë në fundjavën që Verstappen nuk shkoi më larg se vendi i 5’të. Pas 13 garave një vit më parë, Red Bull kishte 540 pikë, më shumë se dyfishin e ndjekësit më të afërt. Këtë vit distance është vetëm 51 pikë kur duhen 11 gara deri në fund.

Daniel Ricciardo – u kualifikua në vendin e 9’të, përpara Yuki Tsunoda’s duke menaxhuar më mirë kushtet e paqëndrueshme në Provat Zyrtare. Megjithatë gara e tij përfundoi shumë shpejt për shkak të strategjisë në pit stop që e nxori atë në trafik duke i dhënë fund shpresave për të hyrë në zonën e pikëve. Australiani u shfaq i nervozuar në fund pasi ka nevojë për disa gara të mira që të sigurojë kontratën me familjen e Red Bull për sezonin e ardhshëm.

Alpine – la pas një fundjavë të dhimbshme ku dy makinat e saj ishin më të ngadaltat në pistë, sërish pas startit në Bahrein. Edhe gara nuk ndryshoi asgjë kur Pierre Gasly u tërhoq ndërsa Esteban Ocon u rendit në vendin e 18’të. Ky ishte eventi i 2’të rradhazi pa pikë që mungoi të përsëriste momentum’in e ndërtuar në Monako, Kanada, Spanjë dhe Austri.
Sergio Perez – zhvilloi një garë në sulm në një pistë ku parakalimet janë një art më vete. U nis nga vendi i 16’të dhe përfundoi në të 7’in por kjo nuk e ndihmoi që të provonte se është piloti i duhur për Red Bull. Ai mbylli garën e 7’të jashtë 6 vendeve të para në një moment kur Norris grumbulloi më shumë pikë në Hungari se sa Perez ka bërë në 6 garat e fundit sëbashku. Ai shpreson që gara e rradhës në Spa të kthejë fatin në anën e tij.

LEXONI GJITHASHTU:

• Formula 1, Italia rrezikon të humbasë një garë
• Britaniku i 21 që fiton një garë në Formula 1