Një zjarr i madh ka rënë në një sipërfaqe me ullishte dhe shkurre në fshatin Hambar të Fierit.

Lajmin e ka bërë me dije Ministri i Mbrojtjes, Niko Peleshi,  ku njoftoi se është vënë në dispozicion edhe helikopterin Cougar për ndërhyrje nga ajri.

“Menjëherë pas njoftimit nga strukturat e emergjencave civile të bashkisë Fier, për një vatër zjarri në një sipërfaqe me ullishte e shkurre në fshatin Hambar, në njësinë administrative Cakran, është nisur për ndërhyrje nga ajri edhe helikopteri Cougar.

Flakët janë përparur me shpejtësi për shkak të erës së fortë. Forcat zjarrfikëse dhe banorë të zonës po punojnë në terren, për të shmangur çdo rrezik për banesat aty pranë”-tha ai.

LEXONI GJITHASHTU: 

• Erdogani kërkon që Rusia të mos “margjinalizohet” në ujdinë për drithërat
• Gazetari Qafoku: Habitem me ata që vazhdojnë besojnë Bashën