Zjarr në Novoselë, dyshohet i qëllimshëm

Një vatër aktive zjarri është raportuar mbrëmjen e së enjtes në zonën e Poros, njësia administrative Novoselë.

Në flakë ka rënë një hapësirë toke me shkurre, kallamishtë dhe barishte. Mendohet se zjarri u vendos qëllimisht për pastrimin e asaj toke bujqësore.

Menjëherë flakët morën përmasa më të mëdha për shkak të favorizimit nga era që frynte në zonë.

Në vendngjarje u njoftuan forcat zjarrfikëse që shkuan aty në kohë. Efektivët zjarrfikës kanë luftuar me flakët për shumë minuta. Raportohet se tani flakët janë vendosur nën kontroll dhe situata është normalizuar.