Zjarr në Parkun Kombëtar të Tomorit, terreni vështirëson shuarjen e flakëve

Një zjarr ka rënë të hënën në Parkun Kombëtar në Malin e Tomorit. Zjarri, që mendohet të ketë qenë i qëllimshëm, është përhapur me shpejtësi drejt pyllit me pisha të Parkut Kombëtar, i favorizuar nga era dhe temperaturat e larta.

Drejt zonës së zjarrit kanë shkuar forcat zjarrfikëse të Skraparit dhe punonjësit e Agjencisë Rajonale të Zonave të Mbrojtura. Terreni tejet i vështirë dhe i pamundur për futjen e mjeteve zjarrfikëse në zonën e zjarrit ka bërë që të punohet për fikjen e flakëve me mjete rrethanore dhe pompa uji shpine.

Drejt Parkut të Tomorit, në ndihmë të zjarrfikësve të Skraparit, janë nisur zjarrfikës nga Berati dhe Poliçani, ndërkohë që zjarrfikësve ju janë bashkuar edhe banorë të zonës.

LEXONI GJITHASHTU:

• Zjarri depërton në thellësi të Parkut të Prespës, kërkohet ndërhyrje nga ajri
• Zjarret rrethojnë Athinën, evakuohen dy fshatra pranë kryeqytetit helen