Zjarret rrethojnë Athinën, evakuohen dy fshatra pranë kryeqytetit helen

Një zjarr i fuqishëm që ra pranë kryeqytetit grek, Athinës, ka çuar në evakuimin e banorëve teksa zjarrfikësit luftojnë për ta vënë nën kontroll.

Zjarri ra pranë fshatit Varnava, rreth 35 kilometra në veri-lindje të Athinës.

Dy komunitete patën nevojë të evakuoheshin kur zjarri u shtri pranë një zone të banuar, i favorizuar nga erërat e forta.

Disa qindra zjarrfikës dhe vullnetarë luftuan me zjarrin në terren, të asistuar nga avionë dhe helikopterë nga ajri.

Në të njëjtën kohë, një tjetër zjarr në pyllin e qytetit Megara, në perëndim të Athinës, mori dhenë.

Reja e tymit u përhap mbi gjithë qytetin dhe mbuloi edhe një pjesë të monumentit të Akropolit, një nga ikonat e kryeqytetit helen.

LEXONI GJITHASHTU:

• Zjarret në vend, 12 vatra ende aktive, ja zonat më problematike
• Zjarret në vend| Lokalizohen vatrat në Shëngjin, në Tepelenë nis ndërhyrja nga ajri