Një zjarr në Somerset House është vënë nën kontroll pas angazhimit të rreth 125 zjarrfikësve, në shëtitoren e artit, në qendër të Londrës.

Struktura artistike mban veprat e Monet dhe Cezanne, por një zëdhënës tha se zjarri ra në krahun perëndimor, në krahun e kundërt të galerisë.

“Jam besimplotë se dëmi është shkaktuar në një pjesë të vogël të ndërtesës. Përsa kohë zjarrfikësit do të kryejnë hetimet për zbardhjen e shkaqeve, Somerset House do të qëndrojë e mbyllur”, tha Jonathan Reekie, drejtor i Somerset House, Londër.

Zjarri ra ditën e shtunë dhe shkaktoi shqetësim dhe frikë tek drejtuesit e kompleksit. Edhe zjarrfikësit e patën të vështirë për të vënë nën kontroll flakët.

Një drejtues i tyre tha se efektivët do të qëndrojnë në vendngjarje përgjatë gjithë ditës së diel. Fatmirësisht nuk ka pasur të dhëna për persona të lënduar dhe dëme të mëdha materiale.

LEXONI GJITHASHTU:

• Banksy zbulon rinocerontin si veprën e tetë të artit mural në Londër
• Zbulohet pse Cameron anuloi takimin me presidentin Begaj dhe fluturoi drejt Londrës