Zjarret në Sazan, Haki Çako: Situata nën kontroll, nuk ka pasur shpërthime

Haki Çako, kreu i emergjencave civile tha se trupat që janë në terren për të fikur zjarrin në Sazan janë të pajisur me të gjitha mjetet e nevojshme, ndërsa sqaroi se nuk ka pasur shpërthime.

“Aktualisht i gjithë operacioni është përqendruar në pjesën juglindore ku bimësia është më e dendur,” – u shpreh Çako për “SOT” në Euronews Albania.

Ai tha se pas dy ditësh mes zjarreve, situata është nën kontroll. Mjetet e përdorura janë në orët e fundit të rehabilitimit të tyre, ndaj Çako shprehu nevojën për mbështetje nga ajri, ndërsa tregoi se ministri i Mbrojtjes dhe ai i Emergjencave janë në një takim me ministrin grek të Mbrojtjes për të shqyrtuar më tej situatën.

Kreu i emergjencave civile bëri thirrje për rritje të kapaciteteve, sepse çështja nuk është vetëm te një helikopter apo te ndërgjegjësimi i vetë qytetarëve.

Sa i takon operimit nga ajri, për momentin nuk është e nevojshme, sidoqoftë mjetet e ajrit që operojnë me ujë janë të limituara. Pavarësisht insistimit nga Jonida Shehu, Çako nuk dha një numër të saktë të helikopterëve.

LEXONI GJITHASHTU:

• Probleme me motin në disa qarqe, Çako: Situata drejt normalizimit