Zjarrfikësit shqiptar në Greqi/ Drejtuesi i ekipit: Trupat nuk do na zhgënjejnë

49 forca trupore dhe 9 mjete shqiptare janë nisur nga Shqipëria për t’i shkuar në ndihmë Greqisë e cila tashmë prej ditësh po përballet me zjarre të shumta, prej të cilave, të mërkurën humbën jetën 20 emigrantë.

Korrespondenti i Euronews Albania, Xhensil Shkëmbi i cili ka shkuar për të raportuar nga vendngjarja mori në intervistë drejtuesin e ekipit shqiptar, Leonard Gjyra.

Ai tha se trupat shqiptare janë të trajnuar dhe të përgatitur për të ndihmuar sa më shumë në zonën e operacionit ku do të veprojnë, ndërsa tha se ende nuk e dinë se sa mund të qëndrojnë në Greqi, pasi janë të vendosur të qëndrojnë deri sa operacioni i shuarjes së zjarreve në Aleksandropolis të përfundojë.

“Trupat janë të motivuar, të trajnuar dhe të përgatitur e absolutisht nuk do na zhgënjejnë për ta kryer sa më mirë operacionin”,-tha drejtuesi i ekipit shqiptar.

Sipas raportimit të korrespondentit janë 49 forca trupore, janë 9 mjete fizike, 5 zjarrfikëse dhe katër të tjera makina mbështetëse shqiptare të cilat do të qëndrojnë në Greqi deri sa të përfundojë operacioni i shuarjes së flakëve në Greqi.

LEXONI GJITHASHTU:

• Donte të digjte barishtet në tokën e tij, pranga 42-vjeçarit që i vuri flakën pyllit
• U futën në përrua për të shpëtuar qenin, gjenden të vdekura dy mikeshat italiane