Zjarri djeg magazinën me materiale bujqësore në Gjirokastër

Zjarri ka djegur një magazinë me materiale bujqësore në Gjirokastër si dhe dy automjete të parkuara në mjediset e saj.

Flakët u regjistruan në orët e mesditës së sotme ndërsa rrezikuan edhe stacionin e pompimit në burimin e Budukut prej të cilit furnizohet me ujë të pijshëm pjesa me e madhe e qytetit të Gjirokastrës dhe rrethinat.

Ndërhyrja e Shërbimit Zjarrfikës lokalizoi zjarrin në këtë zonë duke mos lejuar depërtimin e tij në stacionin e pompimit në Buduk.

Sipas zjarrfikësve të ndihmuara nga era dhe terreni i thatë flakët kishin rënë në një sipërfaqe të gjerë duke përfshirë edhe një magazinë ku kishte automjete të parkuara brenda dhe jashtë saj. Brenda magazinës ndodheshin materiale bujqësore ndërsa zjarri dëmtoi dy automjete të parkuara.

LEXONI GJITHASHTU:

• Dita e gjashtë nën flakë, përkeqësohet situata me zjarret në Finiq
• Vihet nën kontroll zjarri në Finiq, operacioni vijon me ndërhyrje nga ajri