Zjarri i madh te ‘5 Maji’, gazetari: Flakët jashtë kontrollit

Një zjarr i madh ka përfshirë tregun e rrobave të përdorura në zonën ‘5 Maji’ në Tiranë. Në një lidhje live për Euronews, gazetari Thimi Samarxhi tha se zjarri është i përmasave shumë të mëdha.

Sipas tij, zjarri ka përfshirë përveç tregut edhe një godinë tjetër pranë vendit të ngjarjes. Ai thekson se flakët janë aq të mëdha sa reja e tymit ka mbuluar zonën, dhe flakët rrezikojnë ndërtesat përreth.

Gazetari i cili banon pranë zonës ku ka rënë zjarri, bëri thirrje për angazhimin e një helikopteri për të shuar flakët.

Punonjës të shumtë të zjarrfikëses janë angazhuar për të vënë nën kontroll zjarrin dhe për të parandaluar përhapjen e tij.

Nga burime thuhet se janë rreth 15 automjete zjarrëfikëse dhe 70 trupa personel që po punojnë për shuarjen e flakëve.

Për shkak të rrezikut nga përhapja e zjarrit dhe tymit të dendur, banorët e pallateve përreth janë evakuuar nga banesat e tyre.