Zusi: Ka kompani që paguajnë 3 mijë euro për të marrë çmime ndërkombëtare

Kreu i Shoqatës së Prodhuesve dhe Eksportuesve, Alban Zusi deklaroi se jo të gjitha certifikimet ndërkombëtare janë të besueshme, sa i takon sigurisë ushqimore.

Për emisionin “Mirëmëngjes” në “Euronews Albania”, Zusi u shpreh se ka kompani shqiptare që paguajnë 3 mijë euro për të marrë çmim ndërkombëtar pa asnjë lloj kriteri.

“Jo gjithmonë çdo lloj certifikimi apo çdo lloj kupe ndërkombëtare është e besueshme, ka vlerë. Ne jemi dëshmitarë të disa lloj çmimeve ndërkombëtare që jepen, pa asnjë lloj kriteri. Thjesht të vjen një letër ku thuhet se je zgjedhur si kompani humë e mire, do marrësh një çmim dhe do paguash 3 mijë euro. Shkojnë atje në një sallë të madhe, gjithë bizneset shqiptare, pa dorëzuar asnjë dosje, pa u bërë asnjë lloj auditimi apo inspektimi dhe marrin një kupë të zakonshme duke paguar 3 mijë euro”, tha ai.

Sipas Zusit, institucionet serioze europiane bëjnë analiza të detajuara në terren, teksa shtoi se konsumatorët duhet të drejtohen drejt produkteve të identifikueshme pasi janë më të sigurta.

LEXONI GJITHASHTU

• Njerëzit me alergji ndaj ushqimeve, më pak të prirur për t’u infektuar me COVID
• Mbarojnë masat anti-krizë, shtrenjtohen ushqimet dhe karburantet në RMV