Zv.ministri i Shëndetësisë|Barnat e reja të rimbursuara, në fokus sëmundjet tumorale

Vetëm një javë më parë qeveria i dha dritën jeshile listës së re të barnave për vitin 2024, duke e pasuruar atë me 50 barna të reja.

Përditësimi i listës së barnave me 50 ilache të reja, do të bëj të mundur trajtimin e më shumë sëmundjeve, duke nisur nga ato tumorale, të zemrës apo neurologjike.

Në një intervistë për Euronews Albania zëvendësministri i shëndetësisë, Niko Hyka thotë se lista e re rrit numrin e përfituesve dhe shton diagnozat që mbulon.

Synimi i ekspertëve që bënë dhe përditësimin e listës së barnave, kishin në fokus mbulimin e diagnozave që më parë thuajse nuk ishin të përfshirë, por edhe sëmudnjet tumorale që po njohn rritje.

“Ne sot shkojmë në një mbulueshmëri deri në 95% të diagonozave. Për sëmundjet tumorale kemi futur në listë 8 principetë reja, si kanceri i prostatës, pulmonit, leuçemia miloide etj. , që më parë nuk mbuloheshin” –thotë Hysa.

Paralel me shtimin e barnave  të reja, listës ekzistuese ju hoqën 8 barna që nuk ishin më pjesë e skemave të mjekimit.

Aktualisht lista  e re përmban 1342 barna dhe kjo nuk është shoqëruar me kosto shtesë finaciare.

LEXONI GJITHASHTU:

• Fondi i barnave me rimbursim s’mjafon, në 2023 u tejkalua me 58 milionë lekë
• Dështon tenderi i pullës së barnave/ Pacientët vuajnë mungesën e medikamenteve