Zvicra i bashkohet masave shtesë në paketën e 18-të të sanksioneve kundër Rusisë

Qeveria e Zvicrës, Këshilli Federal, ka vendosur ti bashkohet masave shtesë në paketën e 18-të të sanksioneve të BE-së kundër Rusisë dhe Bjellorusisë, sipas një deklarate në faqen zyrtare.

Qeveria zvicerane ka vendosur të shtrëngojë kufizimet e eksportit për mallrat që “mund të forcojnë industrinë ruse dhe të kontribuojnë në përmirësimin ushtarak dhe teknologjik të Rusisë”. Kufizimet e eksportit tani mbulojnë artikuj shtesë, duke përfshirë kimikatet, përbërëse për lëndët shtytëse dhe metale e plastika të caktuara.

“Këshilli Federal vendosi që Zvicra do të miratojë masa të mëtejshme nga paketa e 18-të e sanksioneve të Bashkimit Evropian kundër Rusisë, si dhe masat shtesë të BE-së kundër Bjellorusisë. Masat e reja përqendrohen në tregtinë e mallrave dhe në sektorët financiarë dhe të energjisë dhe do të hyjnë në fuqi më 30 tetor”, thuhet në deklaratë.

Për më tepër, Këshilli Federal e transformoi ndalimin ekzistues për ofrimin e shërbimeve të specializuara të veprimeve financiare me 23 banka ruse në një ndalim të plotë transaksionesh dhe shtoi 22 banka të tjera në listën e subjekteve që i nënshtrohen këtij ndalimi.

“Ndalimi i investimit në projekte të bashkëfinancuara nga Fondi Rus i Investimeve Direkte (RDIF), në fuqi që nga 4 marsi 2022, është zgjeruar në një ndalim të plotë të të gjitha transaksioneve me RDIF dhe nën-fondet dhe kompanitë e tij”, sipas deklaratës.

Megjithatë, Zvicra aktualisht nuk po i vendos këto masa dy bankave rajonale kineze që bien nën ndalimin e transaksioneve të BE-së.

“Këshilli Federal vendosi gjithashtu të ndalojë importin e produkteve të rafinuara të naftës të përftuara nga nafta bruto ruse në vendet e treta, me përjashtim të Kanadasë, Norvegjisë, Mbretërisë së Bashkuar dhe Shteteve të Bashkuara”, thuhet në deklaratë.

Zvicra po zbaton gjithashtu një ndalim transaksionesh në tubacionet e gazit Nord Stream 1 dhe 2, “duke bllokuar në mënyrë efektive përfundimin, mirëmbajtjen, funksionimin ose çdo përdorim të ardhshëm” të tyre, tha qeveria.

LEXONI GJITHASHTU:

• Orban pritet të bisedojë me Trump për sanksionet ndaj naftës ruse
• Lidhje me kartelet e dogës, SHBA sanksione presidentit kolumbian dhe familjes së tij