Zyrtarë policie, ish-gjyqtarë e gazetarë, SPAK lëshon 21 masa sigurie

Me kërkesë të Prokuroria e Posaçme, GJKKO ka lëshuar 21 masa sigurie në kuadër te hetimit të një organizate kriminale me shtrirje ndërkombëtare, ku përfshihen anëtarët e  organizatës kriminale, një zyrtar i lartë policie, një gjyqtar në detyre gjatë kryerjes së aktivitetit kriminal, një avokat dhe dy gazetarë.

SPAK bën me dije se masat e caktuara të sigurisë janë si më poshtë:

Arrest me burg –  18 persona (përfshire ish-gjyqtarin Zihni Shahu dhe zyrtarin e lartë të policisë së shtetit);

Arrest në shtëpi –  1 avokat;

Detyrim paraqitje në policinë gjyqësore –  për 2 gazetarët Artan Hoxha dhe Elton Qyno.

Operacioni për ekzekutimin e masave të sigurisë i cili po mbështetet nga Europol dhe agjencitë e tjera ligjzbatuese shqiptare dhe evropiane, është në vijim.

SPAK ndërmori këtë të hënë një operacion të madh për goditjen e grupeve kriminale në qytetin e Elbasanit.

Në prangat përfunduan dy ish-gjyqtarë të Elbasanit, Pajtime Fetahu dhe Zihni Shahu. Ky i fundit ka qenë edhe drejtues i Gjykatës së Elbasanit.

LEXONI GJITHASHTU:

• Lidhje me krimin, kush janë dy ish-gjyqtarët e arrestuar në Elbasan
• SPAK mega-operacion në Elbasan: Në pranga disa persona, përfshirë dhe 2 ish-gjyqtarë