Zyrtari i energjetikës në RMV: Do ketë rritje të çmimit të energjisë, s’do mungojnë kufizimet në furnizim

“Situata është alarmante dhe do të ketë rritje të çmimit’’, deklaroi për Euronews Albania Kushtrim Ramadani, Drejtor i MEPSO, Operator i sistemit elektrotransmetues i Republikës së Maqedonisë së Veriut.

Z. Ramadani tregoi se kriza energjetike ka filluar para 2 muajsh dhe se pasojat do të jenë të jashtëzakonshme, pasi RMV-ja është vend i varur plotësisht nga importi i energjisë elektrike.

“Nuk besoj se ka vend që është në gjendje më të keqe se Maqedonia e Veriut. Ne kemi ngelur me 10% të rezervave ujore. Në kohët e ardhshme do të kemi dy probleme, teknike dhe financiare”, tha ai, teksa shtoi se është vetëm çështje kohe rritja e çmimit të energjisë.

Z. Ramadani përmendi edhe shkurtesat me furnizim të energjisë elektrike, të cilat tha se nuk do të mungojnë.

LEXONI GJITHASHTU:

• Rritja e çmimit të karburanteve nga kriza botërore e energjisë, thotë Rama
• Kriza energjetike, eksperti: S’do ketë pasoja të menjëhershme tek qytetarët