Tifozeria italiane e pajisur me armë të ftohta, thotë zyrtari i Policisë

Për menaxhimin e finales së Ligës së Konferencës, Policia e Shtetit ka bashkëpunuar me Policinë italiane dhe holandeze. Policë ka pasur edhe nga Kosova, të cilët nuk u angazhuan por ishin në gatishmëri.

Kështu bëri me dije Zef Laska, Shef i Rendit Publik në Policinë e Shtetit, në emisionin Mirëmëngjes në Euronews Albania.

Ai tha se pavarësisht se Policia italiane dhe ajo holandeze ishin në dijeni se kishte tifozë të cilët mund të shkaktonin trazira, sërish nuk kishin precedent për t’i ndaluar në doganë.

“Hyrja në territorin shqiptar të këtyre shtetasve, nuk kishte precedentë për t’i ndaluar, hynë si qytetarë jo si tifozë. Por, i kemi monitoruar”, tha Laska.

Ai njoftoi se tifozeria italiane ka qenë e pajisur edhe me armë të ftohta.

Ndërsa, policia ka qenë e paarmatosur me armë zjarri.

LEXONI GJITHASHTU:

• Kompanitë bllokuan furnizimet pasi nuk përballonin dot tifozët, thotë menaxheri