1.8 miliardë të rritur në mbarë botën nuk po ushtrohen mjaftueshëm fizikisht. Kjo për ekspertët përkthehet në risk më të lart për sëmundje kardiovaskulare, kancer dhe diabet tip 2.

Ata thonë se njerëzit që nuk ushtrohen mjaftueshëm fizikisht kanë një rrezik 20-30% më të lartë për të humbur jetën në krahasim me njerëzit që janë fizikisht aktiv.

Edhe më alarmant është fakti se nga 31% që është aktualisht niveli i inaktivitetit fizik në nivel global pritet të shkojë ne 35% në 2030.

Nisur nga këto kushte ekspertët sugjerojnë në çdo individ duhet të kryejë minimalisht 150-300 minuta aktivitet fizik gjatë javës.

Ekspertët e shëndetësisë botërore mendojnë se veç mungesës së aktivitetit fizik edhe më shqetësuese është qëndrimi ulur për një kohë shumë të gjatë i popullsisë mbi 15 vjeç.

Sipas ekspertëve çdo vit, aktiviteti fizik i pamjaftueshëm rezulton në mbi 10 000 vdekje të parandalueshme në të gjithë rajonin dhe mjediset e punës së ulur janë një pjesë e madhe e këtij problemi.