1 në 36 fëmijë me spektër autik, po shtohen rastet nga përdorimi i teknologjisë

2 Prill 2023 | 14:44

Në Ditën Botërore të Autizmit ekspertët ngrenë alarmin se qëndrimi i fëmijëve të vegjël me orë të tëra përpara ekraneve qofshin këto televizor apo smartphonë po rrisin problematikat e zhvillimit të tyre.

Autizmi virtual, një term jo shumë i njohur në Shqipëri duket se po rrit rastet e fëmijëve të prekur dhe shkak kryesor mbetet përdorimi i pajisjeve teknologjike.

“Autizmi virtual është një fenomen i përhapur shumë. Nuk mund të themi që pjesa e ekraneve është shkaktari kryesor, por është një ndër faktorët që vënë në pah problematikat e zhvillimit të fëmijëve. Jemi përballë fëmijëve që nuk do të thotë se janë me patjetër me spektrin e autizmit, por mund të ketë problematika të tjera të zhvillimit të tyre, që mund të jetë pjesa e vonesës në të folur, në të kuptuar, socializimi”, thotë Aron Stambolliu logoped.

Ekspertët rekomandojnë mos ekspozimin e fëmijëve ndaj televizorit apo smartphonëve.

“Këshillojmë që deri në 4 vjeç fëmijët nuk duhet të shikojnë fare ekrane. Është e dhimbshme kur shikon në kënd lojërash fëmijët janë më telefon nëpër duar në një kohë që kanë dalë për të luajtur. Ky është një ndër shkaktarët ku dëmtohet pjesa e socializimit të fëmijëve, nuk e kanë interesin për të ndërvepruar me fëmijët e tjerë, me lodrat”, shprehet logopedi.

Ajo çfarë shqetëson prindërit e këtyre fëmijëve është vonesa në të folur, tek fëmijët 3 apo 4-vjeçarë.

Një tjetër gabim i prindërve është edhe përdorimi i smartphonëve teksa ushqejnë fëmijët. Specialistët referojnë se kjo zgjedhje bën që fëmija të jetë i pavëmendshëm ndaj perceptimit të shijes së ushqimit, por edhe të sasisë që ai po konsumon. Shqipëria nuk ka të dhëna të sakta sa i takon fëmijëve të prekur nga spektri autik, por në rend global prevalence është 1 në 36 fëmijë të prekur.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Protestuesit mbërrijnë pranë Parlamentit, policia bllokon të gjitha rrugët hyrëse (VIDEO)

Ashtu siç ishte paralajmëruar, protestuesit kanë mbërritur rreth orës 09:00 pranë godinës së Parlamentit, e cila është futur në shtetrrethim nga Policia e Shtetit. Forca...
08:54 | 27/07/2026

Rama mbledh drejtuesit politikë të qarqeve, në fokus reforma territoriale dhe dokumenti “Besa”

Kryeministri Edi Rama mbërriti herët në mëngjes në selinë e Partisë Socialiste, ku po zhvillon një takim me drejtuesit politikë të qarqeve. Gazetarja e Euronews,...
08:40 | 27/07/2026

Zvezda pa ujë të pijshëm, banorët protestojnë sërish për investimin 600 mijë euro

Për të disatën herë, edhe këtë të hënë, banorët e fshatit Zvezdë në bashkinë e Maliqit janë ngritur në protestë për ujin e pijshëm. Sipas...
07:45 | 27/07/2026