Pediatrja: Prindërit akoma e shtyjnë vaksinën e moshës 1 vjeç, frikë nga autizmi

Mjekja pediatre Mirela Dibra është shprehur se prindërit e shtyjnë mosbërjen e vaksinës tek fëmijët në moshën 1 vjeçare pasi kanë frikë nga autizmi.

Në një intervistë për Euronews Albania, ajo tha se mosbërja e vaksinës e ekspozon fëmijën drejt infeksioneve, gjë që mund të bëjë të mundur dhe shpërthimin e fruthit.

“Ajo që shoh unë kohët e fundit është një rindërgjegjësim dhe kthim drejt vaksinave. Problemi ka qenë më tepër për vaksinën e moshës 1 vjeçare si pasojë e gjithë asaj fryme anti-vaks, që fajësonte pikërisht këtë vaksinë  si të lidhur me shfaqjen e problemeve të  autizmit.

Prindërit kanë tentuar që ta shtyjnë në kohë vaksinën e moshës 1-vjeçare duke ekspozuar fëmijën drejt infeksioneve dhe krijimit në popullatë të një mbulese të ulët vaksinale që bën të mundur që të shpërthejnë vatrat e fruthit që kanë rrezikuar jetën e fëmijëve. Para dy vjetësh pati shumë raste të fruthit”-tha ajo.

LEXONI GJITHASHTU: 

• Megaoperacion në Itali dhe Shqipëri, arrestohen 43 persona. Sekuestrohen 4 milionë €
• Zhduket 78-vjeçari në Fier, dyshohet se është mbytur në det