10 korridore humanitare pritet të hapen sot në Ukrainë

Në Ukrainë pritet të hapen 10 korridore humanitare për evakuimin e banorëve të shtunën, sipas zv. kryeministres së Ukrainës, Irina Vereshuk.

Një nga qytetet nga ku do të evakuohen banorët është edhe qyteti port i Mariupolit,  i cili është shkatërruar nga bombardimet ruse.

Tom Bateman nga BBC-ja takoi civilë që kanë arritur të largoheshin nga Mariupoli ditët e fundit, të cilët e përshkruan qytetin si një “varrezë”.

Ata folën për trupa të varrosur në varre të cekëta, grabitje nga luftëtarët çeçenë dhe banorë të uritur që vriteshin kur dilnin nga strehimoret për të gjetur ujë.

Ndërkohë, luftimet në Ukrainë vazhdojnë prej më shumë se një muaji, me disa qytete të shkatërruara dhe mijëra të vrarë, mes tyre civilë.

LEXONI GJITHASHTU:

• Ukraina thotë se do të hapen 11 korridore humanitare