109 vjet nga vrasja e Isa Boletinit, hero që lidhi jetën e tij me fatin e Shqipërisë

Isa Boletini, një nga figurat më të shquara të historisë shqiptare, udhëhoqi kryengritjet për çlirimin nga pushtuesit osmanë dhe qëndroi përkrah Ismail Qemalit në shpalljen e Pavarësisë më 1912.

I lindur në Boletin të Mitrovicës, ai mori pjesë si luftëtar i Lidhjes Shqiptare të Prizrenit dhe kontribuoi në themelimin e Lidhjes Shqiptare të Pejës.

Boletini udhëhoqi betejat kundër pushtuesve osmanë, serbë dhe malazezë, duke qenë gjithmonë në vijën e parë për mbrojtjen e trojeve shqiptare. Ai protestoi kundër vendimeve të Fuqive të Mëdha për copëtimin e Shqipërisë në Konferencën e Londrës më 1913 dhe organizoi qëndresën popullore në Kosovë kundër pushtuesve serbo-malazezë.

Isa Boletini humbi jetën më 23 janar 1916, së bashku me disa familjarë dhe bashkëluftëtarë, duke rënë pabesisht nga shovinistët malazezë në Podgoricë. Mbetjet e tij u kthyen në Kosovë më 2011 dhe sot kujtohet si një simbol i pashuar i dashurisë dhe besnikërisë ndaj atdheut.

Fjalët e tij të famshme, “Unë jam mirë kur asht mirë Shqypnia”, përjetësojnë shpirtin e tij patriotik.

LEXONI GJITHASHTU:

• U ndryshoi dokumentet, zbulohet si nipi i Isa Boletinit fshehu hebrenjtë në Elbasan
• ‘Si e bëra pikturën e Isa Boletinit tek Ura e Ibrit’, flet artisti Bled Jackal