11 emigrantë të paligjshëm arratisen nga qendra e pritjes në Karreç

11 emigrantë të paligjshëm janë arratisur mbrëmjen e djeshme nga qendra e pritjes në Karreç, Durrës. Ende nuk dihet nëse ata kanë patur ndihmë për të larguar nga kjo qendër, e cila është nën kontrollin e policisë.

Për këtë arsye, raportohet se Agjencia e Mbikëqyrjes së Policisë (AMP) ka nisur një hetim brenda qendrës, ku janë marrë në pyetje efektivët që kanë qenë në shërbim gjatë momentit të arratisjes.

Të gjithë emigrantët e arratisur janë kapur më herët nga autoritetet shqiptare në tentativa për të kaluar ilegalisht, të ndihmuar edhe nga grupe kriminale që merren me trafikimin e emigrantëve të paligjshëm.

Qendra e mbyllur për të huajt, Karrec, ka si qëllim strehimin e të huajve të parregullt në territorin e Republikës së Shqipërisë. Kjo është një masë ndalimi e marrë në përputhje me legjislacionin në fuqi për individët që janë ndaluar për kalim të paligjshëm të kufirit, si dhe për azilkërkues potencialë.

Qendra e mbyllur është në varësi të Drejtorisë së Migracionit, pjesë e Departamentit për Kufirin dhe Migracionin në Drejtorinë e Përgjithshme të Policisë së Shtetit.

LEXONI GJITHASHTU:

• Gazetarja italiane: Meloni po insiston me çdo kusht për marrëveshjen e emigrantëve
• Gjykata e Romës në favor të Melonit, në janar rinis sjellja e emigrantëve në Gjadër