11-vjeçarja u përdhunua në një park lojërash, detaje nga ngjarja tronditëse

Përdhunimi i një vajze 11-vjeçare në Kosovë nga 5 burra tronditi publikun shqiptar në të dy anët e kufirit.

Gazetari i Euronews Albania Kosovë Gjoci zbuloi në emisionin ‘Sot’ se abuzimi çnjerëzor me të miturën ka ndodhur në një park lojërash në lagjen ‘Arbëria’ në Prishtinë, një lagje ku janë vendosur një pjesë e madhe e ambasadave të huaja dhe njerëz të pasur.

Ngjarja e rëndë ka ndodhur pak pas orës 16:00, kur ende nuk ishte errur dhe në një zonë mjaft të frekuentuar nga të rritur dhe fëmijë, por çuditërisht askush nga banorët e zonës apo pronarët e bizneseve pranë nuk kanë parë apo dëgjuar gjë.

Banorët e zonës, të pyetur nga gazetari Gjoci janë shprehur se nuk i njohin autorët e krimit makabër, që mesa duket jetojnë në zona të tjera të Prishtinës.

5 persona kanë abuzuar seksualisht ndaj një të miture, vetëm 11 vjeçe në Kosovë disa ditë më parë.

4 prej autorëve u vunë menjëherë në pranga, ndërsa mesditën e së martës është arrestuar personi i pestë i përfshirë në ngjarjen makabre.

LEXONI GJTHASHTU:

• U dhunua seksualisht nga 5 burra, 11-vjeçarja u zhduk dhe në qershor
• Tirana solidarizohet me Prishtinën, protestë për përdhunimin e 11-vjeçares