1100 persona evakuohen në Roterdam, shkak bomba e luftës së dytë botërore

Rreth 1,100 banorëve të lagjes Middelland në Roterdam u është kërkuar të largohen nga shtëpitë e tyre. Ekspertët kanë zbuluar dhe kanë çmontuar një bombë të Luftës së Dytë Botërore që ndodhej në zonë.

Sipas ekspertëve bomba rezulton e hedhur nga një aeroplan britanik më 3 tetor 1941. Pronari i pronës e zbuloi bombën gjatë kontrollit të themeleve. Këshilli i qytetit thotë se rreth 200 bomba të pashpërthyera janë ende të groposura nën qytet, por nuk janë të rrezikshme nëse nuk lëvizen gjatë ndërtimeve.

Tre ndërtesa, janë shkatërruar për të nxjerrë bombën. Banorët duhet të qëndrojnë larg  zonës nga ora 08:00 deri në 20:00. Robotët janë në punë e sipër për të gërmuar vendin ku ndodhet bomba, ku pritet të heqin detonatorin e saj.

Pas kësaj bomba do të dërgohet në Maasvlakte dhe do të shpërthehet në mënyrë të kontrolluar.

LEXONI GJITHASHTU:

• Izraeli merr kontrollin e plotë të Gazës, rriten tensionet me Egjiptin
• Sulmet izraelite vrasin të paktën 37 palestinezë në Gaza