111-vjetori i Pavarësisë/ Policia e Shtetit mesazh urimi për Ditën e Flamurit

Policia e Shtetit ka ndarë një mesazh urimi për festën e Pavarëisë dhe atë të Çlirimit. Në urimin e policisë së shetit thuhet se ata punojnë çdo ditë për një dëshirë dhe për një qëllim, sigurinë e shqiptarëve dhe të Shqipërisë.

“Rreth 11 000 efektivë policie, me një dëshirë dhe një qëllim, sigurinë e shqiptarëve dhe të Shqipërisë, kontribuan në çdo skaj të vendit, gjatë vitit të 111 të pavarësisë.

Për Policinë e Shtetit, ky është një përvjetor jubilé, i cili shënjon rezultatet më të mira të arrira, beteja të fituara, miliona turistë që dëshmojnë standardet e sigurisë në Shqipëri, organizatë më solide dhe më të denjë, shkolla të padepërtueshme nga krimi dhe konfirmon ligjin, sundimtar të vetëm.

Nën flamurin e përbashkuar, si dhe nën pesha, përgjegjësi dhe privilegje të shumëfishta, ato të uniformës, të qytetarit, të birit/bijës, të prindit, efektivët e Policisë së Shtetit urojnë 111-vjetorin e pavarësisë së Shqipërisë.

Punojmë çdo ditë për një dëshirë dhe për një qëllim, sigurinë e shqiptarëve dhe të Shqipërisë.

Gëzuar 28, 29 Nëntorin!”-thuhet në mesazhin e urimit.

LEXONI GJITHASHTU:

• 2 gëzime në 1 ditë! Çifti nga Australia feston 15-vjetorin në ditën e Pavarësisë
• Kryeministri Rama uron për Pavarësinë: Gëzuar përvjetorin e 111 të Flamurit