Kryeministri Rama uron për Pavarësinë: Gëzuar përvjetorin e 111 të Flamurit

Kryeministri Edi Rama ka uruar me anë të një postimi në Facebook të gjithë shqiptarët për Ditën e Pavarësisë.

Urimin e tij Rama e ka shoqëruar me një foto të një vajze të vogël të veshur me kostum popullor e cila mban në dorë flamurin kuq e zi.

“Mimëngjes! Gëzuar përvjetorin e 111 të Flamurit të Pavarësisë”,-uron kryeministri Rama
Shqipëria feston sot 111-vjetorin e Pavarësisë dhe krijimit të shtetit. Ismail Qemali, në vitin 1912, ngriti në Vlorë flamurin dhe shpalli Shqipërinë shtet të pavarur”,-shkruan Rama.

Me rastin e Ditës së Flamurit, në Tiranë do të organizohet parada e shqiptarëve, ku do të mblidhen shqiptarë nga të gjitha trojet si dhe 150 ansamble popullore.

Rreth 5 mijë persona do të jenë pjesë e festimeve. Parada do të nisë nga sheshi “Nënë Tereza” dhe do të përfundojë në sheshin “Skënderbej”. Parada do të zgjasë 2-3 orë dhe në përfundim do të bëhet ngritje simbolike e flamurit shqiptar.

Festimet do të vijojnë edhe më 29 Nëntor, pasi do të jetë edhe “Nata e Bardhë”.

111-vjetori i Pavarësisë së vendit do të mbledhë për herë të parë pas shumë vitesh shqiptarë dhe personalitete nga çdo trevë shqipfolëse dhe diaspora e largët.

LEXONI GJITHASHTU:

• 2 gëzime në 1 ditë! Çifti nga Australia feston 15-vjetorin në ditën e Pavarësisë
• Veliaj uron 111-vjetorin e Pavarësisë: Flamujt na tregojnë se sa të bekuar jemi