2 gëzime në 1 ditë! Çifti nga Australia feston 15-vjetorin në ditën e Pavarësisë

Studiuesi dhe historian Naim Flamuri dhe gruaja e tij, Saranda Flamuri, janë një çift shqiptarësh që prej vitesh jetojnë në Australi.

Ditën e sotme, në “Good Morning Albanians” në Euronews, ata kanë treguar se ditën e sotme festojnë dy gëzime, pavarësinë e Shqipërisë dhe përvjetorin e martesës.

Saranda ka treguar se ata i ruajnë traditat shqiptare dhe përpiqen që t’i përcjellin edhe fëmijëve kulturën, gjuhën, historinë dhe gatimet tradicionale të vendit tonë.

“Mundohemi t’i ruajmë traditat, t’i mësojmë djemve gjuhën shqipe, flasim për kulturën, për historinë, mundohemi të gatuajmë gjëra tradicionale.  Sot kena dhe përvjetorin e martesës, dy gëzime në një ditë. Jemi martuar në ditën e pavarësisë, 28 nëntor”, është shprehur Saranda.

Kujtojmë se ditën e sotme vendi ynë festoon përvjetorin e 111-të të pavarësisë nga Perandoria Osmane, ditë në të cilën Ismail Qemali ngriti flamurin në Vlorë dhe shpalli Shqipërinë të pavarur.

LEXONI GJITHASHTU:

• Të rinjtë nga Presheva zgjedhin Gjirokastrën për studimet e larta: Njerëz mikpritës
• Kim nga Indonezia “ndez” studion në ditën e pavarësisë, këndon “Mora Fjalë”