112 vjet Pavarësi, qytetarët urojnë nga Sheshi i Flamurit: Të jemi të bashkuar

Shqipëria feston sot 112-vjetorin e shpalljes së Pavarësisë. Me këtë rast po organizohen aktivitete të shumta festive ku dhe shumë qytetarë nga trojet shqiptare kanë mbërritur në Sheshin e Flamurit në Vlorë.

Për mikrofonin e Euronews Albania ata kanë bërë thirrje për më shumë harmoni mes politikanëve dhe unitet mes qytetarëve.

“Jam nga Kosova dhe gjatë festive të nëntorit jam gjithmonë këtu dhe vi çdo vit. Kam një mesazh për politikanët që të jenë më të harmonizuar dhe populli të jetë unik dhe të mos ketë përçarje”, thotë një nga qytetarët në Sheshin e Flamurit.

“Sot është dita më e bukur Dita e Flamurit ku zgjohen të gjithë shqiptarët me zemrën që kanë, më pëlqejne shumë festat dhe ju uroj gëzuar”, shprehet një vajzë.

“Unë vij nga Prizreni vit për vit për festat dhe i uroj gjithë shqiptarët gëzuar festën e 28 Nëntorit dhe gjithmonë të jemi sa më kompakt me njeri-tjetrin se jemi vëllezër”, thotë një tjetër qytetar.

LEXONI GJITHASHTU:

• Politika uron Ditën e Pavarësisë: Rama shpërndan videon, Meta mesazh nga burgu
• 112-vjetori i Pavarësisë, ngrihet në New York Flamuri ynë kombëtar