14-vjeçarja e vrarë në RMV me prindër të divorcuar, e ëma sa kishte shitur një pronë

Korrespondentja e Euronews Albania, Ferikan Iljazi tregoi kronologjinë e vrasjeve që kanë tronditur Maqedoninë e Veriut në një hark kohor prej dy javësh.

Ajo tha se 74-vjeçari u vra për një borxh prej 500 eurosh dhe makina e tij u përdor për të rrëmbyer më pas 14-vjeçaren e cila u vra 2 orë e gjysmë pas rrëmbimit. Ende nuk është e qartë se çfarë shkoi keq që vrasja ndodhi pa kërkuar fillimisht paratë.

E mitura u rrëmbye për të zhvatur para. Mësohet se prindërit e vajzës ishin të divorcuar dhe babai ju dha informacion rrëmbyesve për momentin kur e bija do dilte pa shoqëruar.

Mamaja e vajzës kishte shitur një pronë dhe duke ditur këtë, ish-partneri i saj organizoi rrëmbimin e të bijës në mënyrë që t’i merrte paratë.

Të dyja rrëmbimet dyshohet se u kryen nga i njëjti grup në përbërje të të cilit ishin tre të arrestuarit Vlatko Kekishov, Velibor Manev dhe Bore Videvski.

Koka e grupit është shpallur në kërkim dhe dyshohet se ndodhet në Serbi. Ai është Lupço Palevski, një personazh i njohur në Maqedoninë e Veriut, pasi është drejtuesi i një lëvizjeje pro-ruse.

LEXONI GJITHASHTU:

• Të moshuarin e vranë për 500 € dhe makinën, zbardhet lidhja mes dy rrëmbimeve në RMV
• FOTO| Kush është personazhi publik në RMV që rrëmbeu dhe vrau 14-vjeçaren