16 civilë të vrarë, vijojnë bombardimet në qytetet më të mëdha në Ukrainë

Pasojat e një sulmi të premten la një krater prej dy metrash e gjysmë në sheshin qendror në Kramatorsk, qytet i madh në zonën e Donbasit.

Autoritetet ukrainase në të gjithë vendin raportuan të shtunën për sulme të reja me raketa dhe granata që vranë të paktën 16 civilë të tjerë.

Ukraina akuzon ushtrinë ruse se ka vendosur raketahedhës në termocentralin bërthamor Zaporizha në Ukrainën jugore.

Sulmet e reja ruse goditën zona në veri, lindje dhe jug të Ukrainës. Kharkivi, qyteti i dytë më i madh i Ukrainës, ka përjetuar bombardime veçanërisht të rënda ditët e fundit. Të paktën tre civilë u vranë dhe tre të tjerë u plagosën.

Ushtria ruse sulmoi gjithashtu një bazë të përkohshme të trupave ukrainase në Mykolaiv, në jug të vendit, duke shkaktuar më shumë se 200 të vdekur ushtarakë, sipas Ministrisë ruse të Mbrojtjes.

Në sulm, sipas zëdhënësit ushtarak rus Igor Konashenkov, “nacionalistët dhe mercenarët” u eliminuan.

Përveç kësaj, 13 pjesë të pajisjeve ushtarake të përdorura nga Forcat e Armatosura të Ukrainës u shkatërruan, shtoi ai.

Ukrainasit e Kramatorskut evakuohen në rajone më të sigurta.

LEXONI GJITHASHTU:

• Bombardime në lindje të Ukrainës, ndihma amerikano-britanike zmbraps rusët