1800 votues nga Athina në Himarë! Gazetari Enriko Gaba sjell detajet nga Potami

Gazetari i Euronews Albania, Enriko Gaba raportoi në emisionin Review se në shtabin e kandidatit të “Bashkë fitojmë” në Himarë, Fredi Beleri ka pllakosur heshtja pas arrestimit dhe lënies së tij në burg për shitblerje votash.

Ai tregoi se në Potam, rreth 2 km larg Himarës pritet të vijnë rreth 1800 votues nga Athina për t’u bërë pjesë e procesit zgjedhor të së dielës.

“Ka pllakosur heshtja në shtabin e Belerit të cilët kanë ndaluar çdo komunikim me mediat. 2 km nga Himara, në Potam pritet të vijnë rreth 1800 votues nga Athina. Të gjithë ata që kanë emrin në fletët e votimit janë nisur me automjete personale, jo siç ka ndodhur herët e shkuara që kanë ardhur me autobus. Beleri pak ditë më parë ka pasur në takim në Athinë. Nga ana tjetër është edhe kandidati Jorgo Goro ndaj numri i të ardhurve nga Greqia pritet të jetë më i madh”, tha gazetari Gaba.

LEXONI GJITHASHTU:

• “Arrestimi i Belerit veprim skandaloz”, Xhaçka i përgjigjet Athinës zyrtare
• U arrestua për shitblerje votash, del fotoja e Fredi Belerit në sallën e gjyqit