‘21 janari’- Ish-prokurori: Konkluzionet e ‘Strasburgut’ për vrasjen e Aleks Nikës

Ish-prokurori i Krimeve të Rënda, Eugen Beci, është shprehur se Gjykata e Strasburgut nuk ka kërkuar rihetim të vrasjes së Aleks Nikës në 21 janar, por vijimin e hetimeve në mënyrë të kujdesshme.

Komentet Beci i bëri në emisionin “Review” në Euronews Albania, ku tha se Gjykata e Strasburgut ka bërë të qartë që në hetimet e çështjes ka pasur shumë mangësi.

Ai shtoi gjithashtu se sipas Gjykatës së Stransburgut është tejkaluar forca për mbrojtjen e Kryeministrisë, duke shkelur nenin 2, të drejtën për jetën.

“Konkluzioni i parë dhe kryesor nga Gjykata e Stransburgut është se Republika e Shqipërisë ka mangësi shumë të mëdha në legjislacion për përdorimin e armëve të zjarrit nga autoritetet shtetërore (Garda dhe Policia) dhe e dyta ka mëngësi shumë të mëdha në legjislacion përsa i përket mënyrës së mbrojtjes së këtyre pronave të rëndësishme shtetërore, siç ishte rasti i Kryeministrisë.

Gjykata ka thënë se mënyra e mbrojtjes së selisë së Kryeministrisë ka kaluar çdo formë duke shkelur rëndë nënin 2 të Konventës Europiane, që është e drejta për jetën. Rregullimi i parë që bëhet është legjislacioni.

Përsa i përket procesit të rihapjes, shkeljeve të nenit 2, Gjykata ka qenë e qartë që është tejkaluar forca, kemi një vrasje të pajustifikuar. Përsa i përket momenteve proceduriale, duhet të jemi të vëmendshëm.

Përsa i përket çështjeve të hetimeve paraprake, Gjykata e Stransburgut nuk ka ndërhyrje të drejpërdrejtë në legjislacionin e brendshëm shqiptar. Sepse çështja e vrasjes së Aleks Nikës është e hapur në Gjykatën e Tiranës si hetim. Atëherë çfarë rihetimi kërkojmë? E prat ë vazhdojnë përpjekjet për hetimet dhe të vijojë procesi. Gjykata ka përcaktuar edhe mangësitë në hetim”, është shprehur Beci.

LEXONI GJITHASHTU:

• ‘Qëlloni në mish’- Xhaxhai i Aleks Nikës: Dorëzuam në SPAK kasetën për ’21 Janarin’
• Vrasja e Aleks Nikës në protestën e 21 janarit, Gjykata e Strasburgut merr vendim