’21 reporterë të vrarë’, gazetarja ukrainase strehohet në Kosovë

Gazetarja nga Ukraina, Lyudmila Makey është vendosur në Kosovë, pas sulmeve ruse në vendlindjen e saj.

Asociacioni i Gazetarëve të Kosovës njoftoi të dielën se Lyudmila Makey mbërriti në Prishtinë si pjesë e programit “Gazetarët në Rezidencë në Kosovë”.

Gazetarja Makey pritet që të vazhdojë punën e saj nga Prishtina.

Makey pas mbërritjes në aeroportin e Prishtinës, deklaroi sesa e rrezikshme është të jesh gazetare në Ukrainë, duke nënvizuar se forcat ruse kanë vrarë 21 gazetarë deri më tani.

“Ju falënderoj shumë të gjithë juve që më keni mundësuar të vij në Kosovë. Ky program më mundëson që të mbetem në profesionin e gazetares. Jam thellësisht e prekur me faktin se si njerëz tërësisht të huaj dëshirojnë të na ndihmojnë. Besoj që bashkëpunimi ynë dhe solidariteti nga gazetarët tjerë është një hap i rëndësishëm drejt paqes”, shprehet gazetarja.

LEXONI GJITHASHTU:

• 40 të vrarë në fshat, banorët rrëfejnë momentet e vështira gjatë sulmeve ruse
• ‘Të shohë mizoritë ruse’, Zelenski fton për vizitë Macron