Socialistët po përgatiten për mocionin me debat lidhur me çështjen McGonigal që do të mbahet të enjten e dy marsit, datë kur kryeministri Rama do të japë sqarimet e tij për këtë çështje.
Kështu deklaroi kreu i grupit parlamentar të Partisë Socialiste pas mbledhjes me deputetët, duke theksuar se mocioni me debat pritet të zgjasë deri në 24 orë.
Taulant Balla kërkoi nga opozita që të jetë aty, dhe të mos gjejë asnjë mekanizëm për të penguar zhvillimin e kësaj seance.
Ai komentoi edhe kërkesën e Partisë Demokratike për të shqyrtuar me urgjencë e vendimin e Gjykatës Kushtetuese për mandatin e ministres Olta Xhaçka, duke rikujtuar se rendi i ditës për seancën e të enjtes tashmë është përcaktuar.
“Vendimi i Gjykatës ka mbërritur të premten, nuk jam unë që e vendos por Këshilli i Legjislacionit që ka detyrimin e menjëhershëm që të vendosë në lëvizje instrumentet dhe vendosjen në kalendarin e shqyrtimit. Mos harroni që data është një seancë e përcaktuar me një pikë të vetme të rendit të ditës të përcaktuar që është mocioni me debat,” – tha Balla.
LEXONI GJITHASHTU: